Kultur Aniztasuna

Gaur egun gure ingurua gero eta kultur anitzagoa da. Etorkinak arrazoi ezberdinengatik datoz Euskal Herrira; behar ekonomikoak eta sozialak, gatazka armatuak, indarkeria.

Beraz, esan dezakegu egungo jendartearen ezaugarri nagusienetako bat heterogeneotasun sozial, kultural eta linguistikoa dela.Kulturartekotasuna beraz, aniztasun egoeren aurrean izan dezakegun ikuspegi bat da, berdintasunean oinarritua eta aniztasunean aberasgarri bezala ulertzen dena.

Etxebizitza merkatuaren beherakada, gazteentzako ilusio faltsuen salmenta

Hilabeteak dira krisialdi ekonomikoari buruzko berrien jarraian pisuen salneurrien beherakadaz, sustatzaile eta eraikuntza-enpresen zailtasunez eta BPGaren moteltzeaz berriak iristen zaizkigula. Aipamen gutxi egiten zaie ordea, garai ekonomiko zail horrek eragingo dituen benetako zailtasunei. Hilabetero, EURIBOR delakoaren igoerak zorrez gainezka dauden pertsonak, euren etxe zaharrak saldu ezinik harrapaturik dauden etxez aldatzeko beharra duten pertsonak, emantzipatzeko aukera inoiz baino zailagoa ikusten duten gazteak... Antza denez, adreiluaren festa bukatu egin da, eta orain nork emango dio egoerari erantzuna? Iraganari so eginez, argi ikus dezakegu zein izango den erantzuna.

Eguneroko gaiak zehazten dituenak, gauzak modu batean ikusteko irizpideak sortzen ditu. Gauzak horrela, une honetan hormigoizko-makinek berriro ere modu egokian funtziona dezatela da euren helburua, berriro ere hipotekek beren dinamika jarrai dezaten eta “betikoak” %15 edota 20tik gora aberats daitezen. Hori da garrantzitsuena, merkatuak normaltasun egoera berreskuratzea. Merkatu horren normaltasunak hain zuzen ere krisialdia ekarri izanari arreta gutxi jartzen zaio.

Argitu beharra dago, eraikuntza-enpresan eman den krisia ez dela esparru horretan eman den gehiegizko arautzearen ondorioz ezta eraikitzeko lur eskasiagatik edota burokrazia mailan jarri diren oztopoengatik. Argi eta ozen esan beharra dago, merkatuaren funtzionamenduaren logikak eragin duela krisia. Estatu Batuetan “Sub-primeek” eragin zuten barrabaskeriak, beldurra eragin zuen, eta beldur hori Estatu espainolera heldu zen.

Gazteok eta Enplegua jardunaldien Ondorio Txostena

"Elkarrekin jarraitu, denbora behar dugu edo moztuko?"
izeneko jardunaldia egin berri du EGK-k gaian eskarmentua eta interesa daukaten 30 pertsonarekin (elkartetako gazteak eta gazteria teknikariak).
ONDORIO TXOSTENA eskuratzeko albiste honetan klikatzea besterik ez duzu egin behar. +Info: etxebizitzabizkaia@egk.org

Sare Sozialaren Hedapena / Marko Txopitea

Orokorrean, 2008 urtean ez da ezusteko handirik izan teknologiaren alorrean, aurretik zetozen joerek jarraipena izan baitute.
Baina Euskal Herritarren artean tendentziaren bat nabarmentzekotan, urte honetan Interneteko sare sozialek izan duten hedapena nabarmendu behar da.
Web gune gehienak lehendik sortu baziren ere, aurten, erabilera inoiz baino gehiago hazi da. Euskal hiztunek, Web 2.0 aroan sailkatzen diren web gune erabilerraz piloa daukate eskura(blogak, wikiak, fotologak, etab.), baina web gune horietako batzuek erabiltzaileen arteko harremanei eta jardunari ematen dioten garrantzirik handiena. Hala, sare sozial digitalak sustatzen dituzte.
Aristoletek esan zuen bezala,"gizakiok animalia sozialak gara eta gure helburuak komunitatearen barruan garatzen ditugu".
Agian horregatik, teknologia aukera ematen digun heinean, internet ere inoiz baino era sozialagoan erabili dugu aurten euskal herritarrok.

GAUR8.18/19-n
2008ko abenduaren 27an, argitaratua

Gazteak munduari begira

Youtube-tik hartutako bideoa.Gazteek, bere egoera eta ingurunea nola ikusten duten kontatzen digute.

JET LAG BIO 08

Multikulturalitatea Bilbora helduko da laster JET LAG BIO 08 izenburupean. 2008ko abenduaren 19tik 23ra, Deustuko kanalean ospatuko den jaialdia honetan, Bilboko gazteek munduko beste bost hirietako hiri adierazpen gazteak ezagutu eta elkartrukatu ahal izango dituzte. Esan bezala, jaialdia kulturen eta hiri modernoetako adierazpen gazteen bilgune bat da. Multikulturalitatea jaialdian egongo den mestizaian ikusten da. Horrela, leku berean skate eta roller erakustaldiak dirauten bitartean, DJ baten musikaren erritmoan graffitero batzuk euren arte urbanoaz Bilboko Itsasadarreko gunea dekoratzen ikusiko ditugu. Berlin, Dakar, Medellin, San Frantzisko eta Shangaiko ikusentzunezkoen proiekzioak egingo dira, eta leku horietako gastronomia goxo-goxoa dastatu ahal izango da.

Etxebizitza duin bat!

Gutxi falta da hauteskundetarako eta badaramagu denbora luzea hauteskunde giroan murgildurik. Batzuk saiatzen dira beraien irudirik onena gizartaratzen azken urteetan beraiek abian jarritako neurri positiboenak erakutsiz, besteek, aldiz, beraien hautes-promesak gizartarazten saiatzen dira. Era berean, gizarte mugimenduek, gizartearen egunerokotasuna benetan baldintzatzen duten arazoak agendaratzeko momentua ere bada, eta hauen artean funtseskoenetakoa etxebizitzarena da.
Etxebizitzaren arazoa konpontzeko administrazio ezberdinek eskumenak eta erantzukizunak badituzte ere, normalean arazo honi buruz egiten ditugun diskurtso orokorrek beraien gogoetak eta galdegiteak administrazioko goi mailakoei begiratzen diete. Abagune honetan udal politikari zuzendu nahi dizkiogu gure gogoetak. Udalen artean ezberdintasun anitz egon badaudela ahaztu gabe, agerian daude guztiei orokorki zuzendu ahal dizkiegun gai batzuk.

Gizarte Hezitzaileak eta IKT-a

Gaur egun teknologia berriak edozein arlotan ezin bestekoak bihurtu direla argi dago. Gure kasuan, gizarte hezitzaileak izanda, oso baliagarriak dira gure lana errazteko eta zabaltzeko.

Interneten informazio bila nenbilela, gai honekin lotura daukan dokumentu interesgarri bat topatu dut.
Nahiz eta berez adin eta zeregin konkretu batera bideratua egon, uste dut interesgarria izan daitekeela teknologia digitalaren erabilpenean berriak garenontzat.
IKT Gaitasuna(konpetentzia)haur eta lehen hezkuntzan.
Euskal Curriculumeko ebaluazio adierazleekin.
Zikloko arlo bakoitzean nola landu daitekeen teknologia digitala, erabiltzeko eta informazioa tratatzeko gaitasuna.
Egileak; Itziar Blanco, Evelia Brasa, Gloria Barrios y Berta Martínez
Alkartu LHI rako egina 2006/2007-2007/2008 ikasturteetan

Okupazio Bulegoa, etxebizitza eskubidea bermatu arte, eskura dagoen borrokarako tresna

Bilboko okupazio mugimenduak bultzatuta, Okupazio Bulegoa martxan dago Bilbon. Kontsultak, aholkuak, elkarlana, esperientziak... oro har, okupazioaren inguruan lanean dabiltzan guztientzako topaleku bat eratu nahi dute. Ostiral arratsaldero, Alde Zaharreko Ekoetxean bildu eta interesa duen ororentzat ateak zabaltzen dituzte.

Ostiralero 18:00-21:00 pelota kalea,5(ekoetxea)

Gazte baten gogoeta

"Ez gara drogetatik urrun bizi, politika ez zaigu zuek uste bezain arrotz egiten, etxebizitza duin bat edukitzeko ametsa dugu eta horretarako lan egiten dugu, GKEak eta gizarte elkarteak ezagutzen ditugu, batzuetako kide ere bagara" badakit hau guztia esan arren gazteak gizarte osoko pertsona erosoenak direla esaten dutenei zaila egingo zaiela iritziz aldatzea.

Umeekin zenbait udaleku edo kanpalekutan egoten diren begirale boluntarioak datozkit burura. Eurei esker sarritan egungo gazteen (“aurreko belaunaldiak hobeak ziren”, hala diote) jarduna kritikatzen duten guraso ahoberoek, haien seme-alabak aldibaterako urrun edukita atsedena hartzeko beta izaten dute. Guraso hauei, astialdi taldeak, kanpalekuak eta udalekuek, aspaldi, “haurtzaindegi” izatearen funtzioa betetzeari utzi ziotela jakinarazi behar zaie. Guraso hauek haien seme-alabek baliotan oinarritutako hezkuntza bat jasotzan ari direla sinetsi eta barneratu behar dute. Play-Stationetik urrun dagoena, matematika irakasleak irakatsi ezingo diona eta gurasoek eurek bideratzen dieten heziketaren osagarria.

arazoak edo adimen urritasuna duten pertsonekin boluntario ibiltzen diren gazteak. Euren oporren hilabete osoa edo hamabostaldia, pertsona hauek etxetik kanpo naturak eta lagunen konpainiak eskainitako zirraraz goza dezaten, bideratzen dutenak.

Bestelako balio eta lekukotzak jasotzera gatazkak eta pobrezia pairatzen dituzten lurraldetara salto egiten duten brigadistek edota lankidetza musutruk urruneko herrialdetan eskuragai ematen duten kooperanteek, gazteoi gizartea eraldatzeko berez ateratzen zaigun irribarre zintzoa isladatzen dute.

Gazteak eta Sarea (Gazte izan eta euskara ahoan)

View SlideShare presentation or Upload your own. (tags: gazteak euskara)

Euskadiko Gazteriaren Kontseilua

EGK, Euskadiko Gazteriaren Kontseilua, Euskadiko Legebiltzarrak maiatzaren 27ko 6/1986 Legeari esker sortutako zuzenbide publikoko elkartea da.

Gazteen alde lan egiten duten gazte elkarteez osatutako plataforma da.

EGK, sorreraz eta izaeraz, gazteen parte hartzea, eta partaidetza eta gizarte eraldaketarako esperientziak bultzatuz, haien eskubideak defendatzeko eta bizi baldintzak hobetzeko lan egiten duen erakundea da. Ikuspegi ireki batetik, gazteriaren gizarteratzea erreztea, Gazte Politika aproposa sustatzea edo gazteei zuzendutako zerbitzuen garapena lortzea dira EGKren beste helburu batzuk.

Lan bila

Gaur egun lan bila ibiltzea, lan bilakatu da.
Txosten honetan baliagarria izan daitekeen informazioa eskuratu dezakezu
gazte.
animo!

Gazteen Euskal Lege-proiektua

2008ko irailaren 23an Gobernu kontseiluak Gazteen Euskal Lege-proiektua onartu zuen.

Etorkizuneko Gazteen Euskal Legea, funtsean, herri-administrazioek gazte politika integrala bultzatzeari dagokionez dituzten eskumenak eta eginkizunak arau bidez antolatzeko premiatik sortu da.

Gazte politika integralak, batetik, gazteen emantzipazioa errazteko neurriak barne hartzen ditu; eta, bestetik, gaztetasunaren sustapena, berariaz gazteentzat diren programa, jarduera, zerbitzu eta ekipamenduen bitartez.

Eta hori guztiori elkarteetako zein elkarteetatik kanpoko gazteen partaidetza sustatzen duten prozesu eta bideez baliatuta.

Ongi Etorri gure blogg-era

Blogg honen helburua gazteentzako interesgarria izan daitekeen informazio biltzea da.
Gure inguruan sortzen diren aukera desberdinak gazteen esku jartzea,

eguneratu zaitez gazte!!!

izango da gure OiHuA!!